Ordu.az xəbər verir ki, bu barədə Türkiyə KİV-ləri məlumat yayıb.

Türkiyə ilə İndoneziya arasında əldə olunan razılaşma çərçivəsində tamamlandığında Türkiyənin öz imkanları ilə istehsal etdiyi ilk turbofan döyüş təyyarəsi mühərriki olacaq TF35000 ilə 48 “Kaan” döyüş təyyarəsinin Cakartaya təhvil veriləcəyi bildirilib.

Türkiyə Müdafiə Sənayesi Komitəsinin koordinasiyasında həyata keçirilən, Türkiyənin aviasiya tarixinin ən iddialı layihələrindən biri olan Milli Döyüş Təyyarəsi (MMU) “Kaan” ilk beynəlxalq müştərisini tapmaqla, əhəmiyyətli bir mərhələyə çatıb.

Müqavilə platforma ixracından daha çox, Türkiyənin mühərrik texnologiyası sahəsində təcrübəsini və iddiasını ehtiva edən hərtərəfli əməkdaşlıqdır.

Razılaşmanın ən diqqətçəkən elementlərindən biri ixrac ediləcək “Kaan” platformalarını gücləndirəcək mühərrikin milli imkanlarla hazırlanmış TF35000 olmasıdır.

Bu iddialı hədəfin arxasında Türkiyənin aviasiya mühərrikləri sahəsindəki iki mühüm şirkəti olan “TRMotor Güç Sistemleri Sanayii A.Ş.” və “TUSAŞ Motor Sanayii A.Ş.” (TEI) dayanır.

Sevinc Əliyeva
Ordu.az