Ordu.az xəbər verir ki, bu barədə “Washington Post” məlumat yayıb.

Lakin, görünür, ABŞ prezidenti Donald Tramp atəşkəsə məcbur etmək üçün Moskvaya təzyiqləri artırmaqdan çəkinməyə başlayıb.

Yüksək rütbəli ABŞ və Avropa rəsmilərinin, müdafiə ekspertlərinin qiymətləndirmələrinə görə, Kremlin müharibə aparmaq qabiliyyəti gələn ilə qədər ciddi şəkildə zəifləyə bilər.

Tramp cəmi iki həftə əvvəl etdiyi sərt maliyyə sanksiyaları hədəsindən geri çəkilib. Bu həftənin əvvəlində Vladimir Putinlə iki saatlıq telefon danışığından sonra ABŞ prezidenti sanksiyalardan deyil, Rusiya ilə potensial yeni ticarət razılaşmalarından danışıb. ABŞ administrasiyası indiyədək Ukraynaya hər hansı yeni hərbi və ya maliyyə yardımı paketini açıqlamayıb.

Tramp, həmçinin müharibənin həlli ilə ABŞ-nin deyil, avropalıların və ya bəlkə də yeni Papanın məşğul olacağına işarə edib. Bu bəyanatlar Vaşinqtonun liderlik rolundan əl çəkməyə hazırlaşdığına dair qiymətləndirmələrə səbəb olub.

Sevinc Əliyeva
Ordu.az