STM-in milli döyüş gəmiləri və PUA-ları Asiya-Sakit Okean regionunda nümayiş etdiriləcək

2025/05/1747293218.jpg
Oxunub: 551     18:27     15 May 2025    
Türkiyənin müdafiə sənayesində lider şirkətlərindən biri olan “STM Savunma Teknolojileri” Malayziyada keçiriləcək “Langkawi” Beynəlxalq Dəniz və Aviasiya Sərgisində (LIMA 2025) milli döyüş gəmisi dizaynları və taktiki mini pilotsuz uçuş aparatı sistemlərini nümayiş etdirəcək.

Ordu.az xəbər verir ki, şirkət daha əvvəl sərgidə elan olunmayan yeni döyüş gəmisi dizaynını da təqdim edəcək.

Mayın 20-dən 24-dək Lanqkavi adasında keçiriləcək LIMA 2025 Asiya-Sakit Okean regionunda ən böyük müdafiə tədbirlərindən biri kimi diqqəti çəkir.

Sərgidə STM həm dəniz platformaları, həm də pilotsuz uçuş sistemləri sahəsindəki həllərini region ölkələrinə təqdim edəcək.

Türkiyə Hərbi Dəniz Qüvvələri (HDQ) ilə yanaşı, Ukrayna, Pakistan, Portuqaliya və Malayziya HDQ-ləri üçün hazırladığı dəniz layihələri ilə beynəlxalq diqqəti cəlb edən STM Malayziyadakı sərgidə altı fərqli dəniz platformasını nümayiş etdirəcək.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: STM   PUA   Türkiyə  


Bizi "telegram"da izləyin