Ordu.az xəbər verir ki, bu planı müdafiə naziri Nikos Dendias Yunanıstan Hərbi Akademiyasında keçirilən ehtiyat təşkilatlanması konfransında açıqlayıb.

“Agenda 2030” təşəbbüsü dərhal hərəkətə keçə bilən və hazırkı ordu ilə tam səfərbərlik arasında körpü rolunu oynaya bilən yüksək təlim keçmiş ehtiyat qüvvə yaratmaq məqsədi daşıyır.

Könüllülər müddətli həqiqi hərbi xidmətini başa vurmuş əsgərlər və ehtiyatda olan zabit namizədləri, habelə son on ildə xidməti vəzifələrini yerinə yetirmiş vətəndaşlardan ibarət olacaqlar. Plan yüksək səviyyəli təlimlərə, müasir silah sistemlərinin inteqrasiyasına və vətəndaş-müdafiə əlaqələrinin gücləndirilməsinə üstünlük verir.

İslahatlar çərçivəsində dövlətin rəqəmsal platforması ilə inteqrasiya olunmuş şəkildə işləyəcək “Ehtiyat” tətbiqi hazırlanacaq və iştirakın artırılması üçün müxtəlif stimullar təklif olunacaq.

Dendias ehtiyat qüvvəni “dövlətin qalxanı” olaraq təyin edərək, bu strukturun qlobal təhlükəsizlik mühitində baş verən dəyişikliklər qarşısında əhəmiyyətini vurğulayıb və Yunanıstanın “vətəndaş-əsgər” ənənəsinə diqqət çəkib.

Sevinc Əliyeva
Ordu.az