Ordu.az xəbər verir ki, bu tədarük, Hindistanın 2018-ci ildən bəri davam edən MRFA (Çoxfunksiyalı Döyüş Təyyarəsi) proqramı çərçivəsində və hökumətlərarası model əsasında sürətləndirilmiş şəkildə həyata keçirilə bilər.
Hindistan artıq 36 ədəd “Rafale” təyyarəsini 2015-ci ildə birbaşa razılaşma ilə Fransa şirkəti “Dassault Aviation”dan alıb. Lakin ehtiyacların artması fonunda bu say kifayət etmədiyindən, Hindistan Hava Qüvvələri yeni partiya ilə həm əməliyyat imkanlarını artırmaq, həm də Çin və Pakistan kimi rəqiblərə qarşı hava üstünlüyünü qorumaq istəyir.
Bu alışın həyata keçirilməsi Hindistanın hava parkını dörd tam döyüş eskadrilyasına çatdıracaq və bölgədə strateji balans baxımından kritik əhəmiyyət daşıyacaq. Hindistan tərəfi əlavə olaraq, yeni təyyarələrin yerli istehsalı üçün montaj xətti yaradılması imkanlarını da qiymətləndirir.
Sevinc Əliyeva
Ordu.az
