Ordu.az xəbər verir ki, bu barədə xarici KİV-lər məlumat yayıb.
Martın 13-də elan edilən ilk müqavilə JASSM İstehsal “Lot 23” və LRASM İstehsal “Lot 9”un tədarükü, eləcə də gələcək partiyalar üçün iqtisadi sifariş miqdarının maliyyələşdirilməsini əhatə edən 1,93 milyard dollarlıq sabit qiymətli müqavilə modifikasiyasıdır.
Razılaşma müqavilənin ümumi dəyərini 5,18 milyard dollara çatdırır.
2029-cu il iyulun 31-nə qədər başa çatdırılması gözlənilən işlər “Lockheed Martin”in Florida ştatının Orlando şəhərindəki obyektində aparılacaq.
ABŞ Hərbi Hava Qüvvələri və Hərbi Dəniz Qüvvələri layihəni dəstəkləmək üçün 2024 və 2025-ci maliyyə illərində 1,44 milyard dollardan çox vəsait ayırıb.
Martın 14-də müqaviləyə edilən ikinci dəyişiklik istehsal infrastrukturunun inkişafına 122,5 milyon dollar ayırıb.
Maliyyələşdirmə hər iki raket sisteminin istehsalını artırmaq üçün lazım olan avadanlıqların alınmasına yönəldiləcək. Bu çərçivədə işlərin 2028-ci il iyulun 14-nə qədər başa çatdırılması planlaşdırılır.
Sevinc Əliyeva
Ordu.az
