Ordu.az xəbər verir ki, Filippin ordusu ilk “VBTP-MR Guarani” 6x6 ZPD-sini rəsmi olaraq təhvil alaraq, zirehli vasitələrin modernləşdirilməsi səylərində əhəmiyyətli bir addım atıb.

Braziliyanın “IDV Latam” şirkətinin İtaliyanın IVECO şirkəti ilə birgə istehsal etdiyi vasitə bu yaxınlarda keçirilən mərasimlə təhvil verilib.

Sözügedən vasitənin çatdırılması Filippin və Braziliya arasında artan müdafiə əməkdaşlığını vurğulayır, müdafiə sektorunda ikitərəfli əlaqələri gücləndirir.

Filippinə çatdırılan ilk “VBTP-MR Guarani” İsrailin “Elbit Systems” şirkəti tərəfindən istehsal olunan 30 mm-lik avtomatik topa malik silah stansiyası ilə təchiz edilib.

“Army Recognition”ın məlumatına görə, çatdırılma Filippin ordusunun əməliyyat imkanlarını gücləndirəcək 28 vasitə üçün 46 milyon dollarlıq müqavilənin bir hissəsi kimi həyata keçirilib.

Sevinc Əliyeva
Ordu.az