Ordu.az xəbər verir ki, Fransa prezidenti Avropanın müdafiə qabiliyyətini artırmaq üçün yeni strategiyalar və təkliflər irəli sürüb.

Makron bəyan edib ki, Avropanın müdafiə və silahlanma sahəsində ABŞ-dən asılılığına son qoymaq üçün Avropanın sənaye potensialı gücləndirilməlidir.

Fransa müdafiə sənayesi şirkətləri ilə görüşü zamanı Makron deyib: “Bu gün ehtiyacımız olan şey daha çox “Rafale”, daha çox hava hücumundan müdafiə sistemi, daha çox sursat istehsal etməkdir. Bir çox ölkələri F-35 asılılığından azad etmək və “Rafale” klubunu genişləndirmək lazımdır”.

O bildirib ki, Fransa bu kontekstdə Avropanın müdafiəsinə rəhbərlik etməyi hədəfləyir.

Makron bəyan edib ki, Avropa ölkələri müdafiə sistemlərini rasionallaşdırmalıdırlar.

“Patriot”u alanlara yeni nəsil SAMP/T Fransa-İtaliya sistemini tövsiyə etməliyik. F-35 alanlara “Rafale”ni tövsiyə etməliyik. Beləliklə, biz istehsal sürətimizi artıracağıq”, - deyə o əlavə edib.

Sevinc Əliyeva
Ordu.az