Bu barədə Ordu.az “Daylimail”ə istinadən xəbər verir.

Hücum ölkənin cənub-qərbindəki Bəlucistan əyalətində baş verib.

"450-dən çox sərnişin silahlı şəxslər tərəfindən girov saxlanılır", - Kvettada dəmiryol idarəsinin yüksək vəzifəli məmuru Məhəmməd Kaşif bildirib.

Məlumata görə, qatar Kvettadan Xayber-Paxtunxva əyalətindəki Peşavara gedərkən atəşə tutulub.

Hücuma görə, silahlı separatçı "Bəlucistan Azadlıq Ordusu" qruplaşması məsuliyyəti öz üzərinə götürüb.

Əyalət hökumətinin nümayəndələri və dəmiryolçular girovların götürülməsi barədə məlumatı təsdiqləməyiblər.

***

Pakistanın Bəlucistan əyalətində silahlılar içərisində 400 nəfərin olduğu sərnişin qatarına atəş açaraq, 100-ə yaxın şəxsi girov götürüb.

Ordu.az-ın “The Eurasian Times” portalına istinadən xəbərinə görə, hadisədən əvvəl atışma nəticəsində təhlükəsizlik qüvvələrinin 6 nəfər əməkdaşı öldürülüb.

Girovların arasında polis əməkdaşlarının da olduğu açıqlanıb.

İlkin məlumata əsasən, qatar Pişəvər şəhərinə hərəkət edirmiş.

Ordu.az