Ordu.az xəbər verir ki, bu strategiyaya uyğun olaraq inventarda olan bəzi köhnə model təyyarələrin istismardan çıxarılması gündəmə gəlib.

Bu vəziyyət hazırda Yunanıstanın ixtiyarında olan 24 ədəd “Mirage 2000-5”in gələcəyi ilə bağlı suallar yaradır.

Ötən il Yunanıstanın Müdafiə Nazirliyinin bu təyyarələri ikinci əl bazarına təklif etməyi düşündüyü bildirilmişdi.

“Mirage 2000-5”lər hələ də əməliyyat potensialına malik olduğundan, satışdan əldə olunan gəlirlə əlavə “Rafale” təyyarələrinin alınması planlaşdırılırdı. Lakin Hindistanla danışıqlara baxmayaraq, bu məsələdə razılıq əldə olunmayıb.

Yunanıstanın aparıcı qəzetlərindən biri olan “Kathimerini” Fransa prezidenti Emmanuel Makronun Ukraynaya “Mirage 2000-5F” təyyarəsi bağışlamaq qərarından sonra Afina rəhbərliyinin Parisdən addım gözlədiyini iddia edib.

Maraqlıdır ki, Fransa HHQ-nin inventarındakı “Mirage 2000-5F”lərdən fərqli olaraq, Yunanıstanın sahib olduğu modellər “hava-yer “hücum qabiliyyətinə malikdir.

2024-cü ilin iyununda Yunanıstan Ukraynaya “Mirage 2000-5” təyyarələrinin göndərilməsi variantını açıq şəkildə rədd edib.

Sevinc Əliyeva
Ordu.az