Ordu.az xəbər verir ki, “AeroVironment”in törəmə şirkəti olan “Arcturus UAV” Danimarka təmsilçisi “Glaucus ApS” ilə JUMP 20 PUA-larının tədarükü üçün 10 illik çərçivə müqaviləsi imzalayıb.
Şirkət tərəfindən verilən açıqlamada qeyd edilib:
“Bu gün biz yeni PUA-lar üçün ilk sifarişi imzalayırıq. Ancaq bu müqavilə ilə ehtiyac yaranarsa, əlavə PUA-lar ala biləcəyimizi təmin edirik. Alacağımız PUA-ların texnoloji inkişafın ön sıralarında olacağına da əminik”.
JUMP 20 “AeroVironment” tərəfindən hazırlanan kəşfiyyat PUA-sıdır. O, şaquli qalxma və enmə imkanlarına malikdir, bu da onu məhdud məkan və hazır uçuş-enmə zolaqlarının olmadığı şəraitdə xüsusilə effektiv edir.
Sevinc Əliyeva
Ordu.az
