Ordu.az xəbər verir ki, bunu ROKETSAN Baş direktoru Murat İkinci deyib.

“İnşallah, hamımız ölkəmizin ballistik raketlərə görə dünyanı qabaqlayacağı bir dövr yaşayacağıq”, - deyə o qeyd edib.

İkinci 2024-cü ilin Türkiyə müdafiə sənayesi ixracatı üçün çox uğurlu bir il olduğunu ifadə edərək, 7 milyard dollardan çox tender uğurunun əldə edildiyini bildirib.

O, ROKETSAN-ın bu uğurda ən önəmli oyunçulardan biri olduğunu vurğulayıb.

“ROKETSAN-ın məhsulları ixrac potensialı, xüsusən də məhsullarımızın sahədəki uğurlarına nisbətdə sürətlə artan məhsullardır. Hazırda biz ROKETSAN məhsullarını dünyanın bir çox ölkəsinə ixrac edirik. 2024-cü il ROKETSAN üçün çox uğurlu il oldu. Hədəflərindən xeyli yüksək artım potensialına nail olub və ixracını da əhəmiyyətli dərəcədə artırıb. Dollarla ifadə etdiyimiz artım hədəfimizdən 30 faiz yuxarı artım əldə etdik. Bu, ROKETSAN-ı tez bir zamanda dünyanın ən böyük müdafiə təşkilatlarının ilk 100-lüyünə, hətta bəlkə də ilk 50-liyinə daxil etdi. Məqsədimiz ən qısa zamanda ilk 50 müdafiə təşkilatı arasında olmaqdır”, - deyə ROKETSAN Baş direktoru qeyd edib.

“Çelik Kubbe” layihəsi haqqında məlumat verən İkinci layihədə TÜBİTAK, ASELSAN və MKE ilə birlikdə çalışdıqlarını bildirib.

İkinci “Çelik Kubbe”nin bütün müdafiə sənayesi ekosisteminin məhsullarının bir araya gətirildiyi inteqrasiya olunmuş Hava Hücumundan Müdafiə (HHM) sistemi olduğunu və bunun ROKETSAN-ın təəccüblü gücünü təşkil etdiyini ifadə edib.

“Raketlər və silah sistemləri istehsal edirik. Ən aşağı səviyyədə “Sungur” ilə başlayan və üzərində “Siper” ailəsi ilə 0 kilometrdən 150 kilometrə qədər bir ərazini əhatə edən HHM sistemini həyata keçiririk. “Çelik Kubbe” əslində süni zəka və maşın öyrənməsi ilə dəstəklənən inteqrasiya olunmuş HHM sistemi olacaq və burada bunların hamısı təbəqələrdə birlikdə işləyəcək. Biz bütün gücümüzlə çalışırıq ki, bunu həyata keçirək və mümkün qədər tez sahəyə çıxaq”, - deyə o əlavə edib.

Sevinc Əliyeva
Ordu.az