ABŞ PUA-lara qarşı mübarizə aparmaq üçün F-16-ları APKWS II raketləri ilə təchiz edir

2025/02/1738576714.jpg
Oxunub: 397     12:54     05 Fevral 2025    
ABŞ Hərbi Hava Qüvvələrinə (HHQ) məxsus F-16 döyüş təyyarələri husilərin Pilotsuz Uçuş Aparatlarını bloklamaq üçün lazerlə idarə olunan APKWS II raketləri ilə təchiz edilib.

Ordu.az xəbər verir ki, bu barədə ABŞ HHQ-nin sözçüsü bildirib.

Sözçünün sözlərinə görə, APKWS II husilərin PUA təhlükəsinə qarşı mübarizə üçün bir sıra variantlardan biri kimi təqdim edilib. APKWS II-nin üstünlüklərindən biri onun aşağı qiymətidir.

AIM-9X “Sidewinder Block II” raketinin vahid dəyəri təxminən 420.000 dollar olarkən, APKWS II-nin yönləndirmə və idarəetmə sistemi təxminən 15.000 dollardır, döyüş başlığı və mühərrik üçün bir neçə min dollar əlavə xərc tələb edir.

Qeyd edək ki, dekabr ayında ABŞ HHQ Mərkəzi Komandanlığı (AFCENT) APKWS II raketlərini daşıyan 2 F-16C-nin fotolarını yayımlayıb.

Sevinc Əliyeva
Ordu.az


© Materiallardan istifadə edərkən hiperlinklə istinad olunmalıdır


Teqlər: ABŞ   PUA   APKWS-II  


Bizi "telegram"da izləyin