“Fincantieri” İndoneziya ilə imzaladığı 1,18 milyard avroluq müqavilənin bir hissəsini icra edib

2025/02/1738401334.jpg
Oxunub: 403     14:29     05 Fevral 2025    
İtaliyanın gəmi istehsalçısı “Fincantieri” İndoneziya Hərbi Dəniz Qüvvələrinə (HDQ) satılan 2 Çoxməqsədli Döyüş Gəmisinin (MPCS/PPA) adının dəyişdirilməsi mərasiminə ev sahibliyi edib.

Ordu.az xəbər verir ki, mərasim 2025-ci il yanvarın 29-da “Fincantieri”nin “Muggiano” (La Spezia) gəmiqayırma zavodunda baş tutub.

Başlanğıcda İtaliya HDQ üçün beşinci və altıncı vahidlər kimi inşa edilən, daha öncə “Marcantonio Colonna” və “Ruggiero di Lauria” olaraq adlandırılan gəmilər indi KRI BRAWIJAYA-320 və KRI PRABU SILIWANGI-321 adları altında İndoneziya HDQ-də xidmət göstərəcək.

Bu iki gəmi “Fincantieri”nin 2024-cü ildə İndoneziya ilə imzaladığı təxminən 1,18 milyard avro dəyərində müqavilənin bir hissəsidir.

“Riva Trigoso”-“Muggiano” gəmiqayırma zavodlarında inşa edilən bu döyüş gəmiləri İndoneziya HDQ-nin ən böyük platformalarından biri olacaq.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Fincantieri   İndoneziya  


Bizi "telegram"da izləyin