Ordu.az xəbər verir ki, bu addımla Yaponiya Hind-Sakit Okean regionunda T-6-nı idarə etmək üçün Yeni Zelandiya Kral Hərbi Hava Qüvvələri (HHQ), Tailand Kral HHQ və Vyetnam Hava Özünümüdafiə Qüvvələri sıralarına qoşulacaq.

ABŞ-nin “Textron” aerokosmik şirkəti mətbuata açıqlamasında Yaponiya ordusunun “T-6 Texan II” almağı planlaşdırdığını açıqlayıb. Lakin Yaponiyanın nə qədər təyyarə alacağı ilə bağlı heç bir təfərrüat paylaşılmayıb.

Təyyarə ilə yanaşı, müqaviləyə, həmçinin hərtərəfli yer əsaslı təlim sistemi, təlimatçı pilotlar və təyyarəyə texniki qulluq işçiləri üçün təlim dəstəyi, uzunmüddətli logistika və dəstək xidmətləri daxildir.

“T-6 Texan II” Yaponiyanın hazırkı əsas təlim təyyarəsi “Fuji/Subaru T-7”ni əvəz edəcək.

Sevinc Əliyeva
Ordu.az