Ordu.az xəbər verir ki, Türkiyənin müdafiə sənayesi şirkəti “Otokar”ın “Arma” 8X8 vasitəsi uğurlu sınaq nəticələri ilə diqqəti cəlb edərkən, “Terex” vasitəsinin istehsalı Sinqapurda yerləşən “ST Engineering” ilə birgə Qazaxıstanda həyata keçiriləcək.

Qazaxıstan mövcud təhlükəsizlik təhdidlərinə qarşı daha güclü müdafiə strukturu yaratmaq üçün yeni zirehli vasitələrin alınması üçün hərtərəfli prosesə başlayıb. Bu satınalma prosesi Qazaxıstan Silahlı Qüvvələrinin modernləşdirilməsi üçün mühüm əhəmiyyət kəsb edir və yeni vasitələr ölkənin müdafiə qabiliyyətinin artırılmasında mühüm rol oynayacaq.

Qazaxıstan yeni zirehli vasitələr alarkən, bu vasitələrin davamlılığı, ballistik mühafizə səviyyəsi və müxtəlif coğrafi şəraitdə işləmək qabiliyyəti kimi mühüm kriteriyalara böyük əhəmiyyət verir. 8x8 zirehli vasitələr şəxsi heyətin daşınması və döyüş əməliyyatlarında yüksək göstəricilər nümayiş etdirmək üçün nəzərdə tutulub. Sınaq prosesində bu vasitələrin manevr qabiliyyəti də mühüm qiymətləndirmə meyarı kimi önə çıxıb.

Qazaxıstan Silahlı Qüvvələri zirehli vasitələrin satın alınması prosesində yerli və xarici istehsalçılar arasında sərt rəqabətin şahidi olub. Türkiyənin müdafiə sənayesi şirkəti “Otokar” “Arma” 8X8 vasitəsi ilə sınaqlardan uğurla keçərək diqqət çəkib. Qazaxıstan mətbuatında “Arma” zirehli döyüş vasitələrinin 4,4 milyard dollarlıq büdcə ilə alınacağına dair iddialar yer alıb. “Otokar” vasitələrinin dayanıqlığı və ballistik mühafizə səviyyələri ilə Qazaxıstanın müdafiə ehtiyaclarını qarşılamağa hazırdır.

Sevinc Əliyeva
Ordu.az