Ordu.az xəbər verir ki, “Cengaver” geyilə bilən texnologiyalarla təchiz edilən hərbi qulluqçuların insansız sistemlərlə əlaqə qurma qabiliyyətini artıracaq.

Müxtəlif komponentlərlə təchiz edilmiş sistem “bluetooth” vasitəsilə “Doob-mobil” komanda və idarəetmə tətbiqi ilə inteqrasiya olunmuş şəkildə işləyir, nəbz, oksigen səviyyəsi, dəri temperaturu, fiziki fəaliyyət və yer məlumatlarını anında toplayıb ötürür.

HAVELSAN şirkətinin modelləşdirmə və sensor texnologiyaları qrup rəhbəri Çağlar Akman “Cengaver” rəqəmsal əsgər ailəsi haqqında danışıb.

“Cengaver”in lüğət mənasını vurğulayan Akman əməliyyatda personalın situasiya məlumatlılığını artırmaq və vəzifələrini daha güclü şəkildə yerinə yetirmələrini təmin etmək məqsədi daşıdıqları üçün layihəyə bu adı verdiklərini deyib.

“İnkişaf etdirdiyimiz ağıllı saatda üç fərqli xüsusiyyəti izləyə bilirik. Birincisi, bu üzvlərin sağlamlığını, ürək döyüntüsü, qan oksigen səviyyəsi, qan təzyiqi və ya bədən istiliyi kimi dəyərləri izləyə bilərik. İkinci qrupda isə bu insanların fəaliyyətini izləyə bilərik: Qaçırmı, yeriyirmi, huşunu itirdimi, yıxıldımı və ya bir yaralanması varmı, bir qanaxması varmı, qan itirməsi varmı kimi anomaliyaları izləyə bilərik”, - deyə HAVELSAN şirkətinin modelləşdirmə və sensor texnologiyaları qrup rəhbəri qeyd edib.

Sevinc Əliyeva
Ordu.az