ROKETSAN-ın tank əleyhinə raket ailəsi tək əsgər tərəfindən istifadə olunan qısa məsafəli “atdım-unutdum” tipli tank əleyhinə silah olan “Karaok” ilə genişlənir.
“Karaok” hava hücumu, hava-desant əməliyyatları və amfibiya əməliyyatlarında piyada qüvvələrinin zirehli və motoatıcı bölmələrinin ən azı 1 kilometr qısa məsafədə dayandırılması, gecikdirilməsi və məhv edilməsi vəzifələrinin səmərəli yerinə yetirilməsini təmin edəcək.
“Karaok” yüksək döyüş başlığı performansı və silah bazarındakı həmkarları ilə müqayisədə üstün imkanları ilə seçilir. Üzərindəki termal kameralar sayəsində “Karaok” gecə-gündüz işləməyə imkan verən yüngül və portativ sistem olacaq.
“Karaok” hər hansı şəhər mühitində döyüşün reallaşdığı, xüsusən də nisbətən daha qısa məsafəyə və yüngül portativ tank əleyhinə raketlərin lazım olduğu döyüşlərdə uğurla istifadə edilə bilər.
“Karaoka”dakı milli komponentlər də diqqəti çəkir. Sistemdə inersial ölçü vahidi, tandem döyüş başlığı, fırçalı DC mühərriki, enerji mənbəyi təchizatını türk mühəndisləri milli qaynaqlarla hazırlayıblar. ROKETSAN 2016-cı ildə işə başlayan bu sistemi 2022-ci ildə Türkiyə Silahlı Qüvvələrinin arsenalına daxil etməyi hədəfləyir.
“Karaok”un Taktiki-Texniki Xüsusiyyətləri
Uzunluğu: 1.200 mm (boru ilə birlikdə)
Çapı: 125 mm
Çəkisi: <16 kq (Raket + Boru)
Döyüş başlığı: Zireh dəlici tandem
Mənzil: 2,5 km
Axtarış başlığı: İnfraqırmızı başlıq
İdarəetmə Sistemi: Terminal idarəetmə
Qeyri-həssaslıq: Maye Yanacaq və mərmi zərbəsinə qarşı həssasızlıq
Silah Sistemi: TV/Termal Kamera/Lazer məsafə ölçən/GPS
İstifadə rejimi
“Atdım-unutdum”
Atış öncəsi hədəfə kilidlənmə
Dəyanət Ağalarlı
Ordu.az
