Ordu.az xəbər verir ki, düşmən ordusunun işğal etdiyi Madagiz yaşayış məntəqəmizdə yerləşdirilən bölmələrindən birinin hərbi qulluqçusu silah satarkən yaxalanıb.

Araşdırma zamanı məlum olub ki, o mütəmadi olaraq hərbi hissəyə məxsus əmlakı mülki şəxslərə satırmış. Hərbi qulluqçunun adı hələlik gizli saxlanılsa da istintaq işi davam edir. Müstəntiqlər belə qənaətə gəliblər ki, o bu əməli təkbaşına törədə bilməzdi. Onun digər şəxslərlə əlbir və ya kriminal qruplarla da əlaqələrinin olub-olmaması araşdırılır.

Hələlik məlum olan odur ki, erməni hərbçisinin satmaq üçün oğurlayıb gizlətdiyi “XV954” seriya nömrəli RPQ-7 qumbaraatanı, təsadüf nəticəsində, ərazidə mal-qaranı otaran çoban tərəfindən tapılıb.

Faktla bağlı araşdırmalar davam edir.

Ordu.az