Ordu.az xəbər verir ki, bu barədə erməni politoloq Qaqik Hambaryan öz “Fecebook” səhifəsində Paşinyanın Rusiya prezidenti ilə görüşü barədə verdiyi qiymətləndirmələrə istinadən yazıb.


Oktyabrın 1-də İrəvanda Avrasiya İqtisadi Birliyi sammiti çərçivəsində Paşinyan və Rusiya Prezidenti Vladimir Putin arasında iki görüş baş tutub.

Paşinyan bu görüşlərdən birini “parlaq söhbət” adlandırdıb.

“Əvvəlcə qeyd edim ki, Paşinyanın Ermənistandakı Rusiya prezidentlərini hava limanında qarşılamayan yeganə liderlərdən biri olması ilə bağlı hökumətyönlü eyforiya, ehtimal ki, qısa müddət davam etdi, çünki Paşinyan Rusiya prezidentini hava limanından yola salan digər liderlərdən birinə çevrildi. Paşinyan-Putinin “parlaq söhbəti” məsələsinə gəldikdə cənab Paşinyanın etdiyi kimi bu “parlaqlıq” haqqında danışmaq hələ tezdir. Söhbətin “parlaqlığını” ictimaiyyət hiss etdikdə onun nəticələrindən mühakimə etmək olar. Məsələn, Rusiya Ermənistana qazın satış qiymətini endirsə, erməni sürücülük vəsiqəsi sahibləri Rusiyada digər AİƏT üzvləri ilə eyni statusa sahib olduqda, Yuxarı Larsdakı maneələr aradan qaldırıldıqda və s.

Ancaq müxtəlif mənbələrə görə hər şey əksinədir. Məlumata görə, Moskva Ermənistana verilən qazın qiymətini qaldıracaq, Cənubi Qafqaz Dəmir Yolları ilə bağlı böyük problemlər var, sürücü hüquqları məsələsi hələ həll edilməyib və Yuxarı Larsda Ermənistana gedən avtomobillərin növbəsinin Pyatiqorska çatdığı bildirilir”, - deyə Hambaryan qeyd edib.

O bildirib ki, son zamanlar Ermənistan vətəndaşlığından çıxan və Rusiya vətəndaşlığını əldə edən ermənilərin sayı da acınacaqlı həddə çatıb.

“Ermənilər ailələri ilə birgə Ermənistan vətəndaşlığından imtina edib, Rusiyaya gedirlər. Gəlin gözləyək və Ermənistanla Rusiya arasındakı problemlərə baxaq, görək bunlardan hər hansı Paşinyan və Putinin “parlaq söhbəti” nəticəsində bir həll tapacaqmı. Paşinyanın görüş axşamı “sızan” məlumatları göstərir ki, Rusiya səfirliyində keçmiş prezident Robert Köçıryanın həyat yoldaşı Bela Köçəryanla Rusiya prezidentinin görüşməsini çox ağır həzm edib. Bu görüşdən sonra Paşinyan mümkün qədər , “Putini qarşılamayan və yola salmayan” ssenarisini pozaraq və yenidən Rusiya prezidenti ilə görüş üçün “Zvartnots” hava limanına tələsib və ictimaiyyəti onunla Putin arasındakı hər şeyin, Putin və Koçaryan arasındakı münasibətdən daha yaxşı və gözəl olduğuna inandırmaq üçün “öpüş-qucaq” videosunu yayımlayıb.

Ancaq Paşinyanın bu “lirikasına” əsasən fanatik pərəstişkarları, tanınmış saxta istifadəçiləri və bəzi komanda yoldaşları inana bilər. İctimaiyyətin çoxu həmin görüşün nəticələrinə real qiymət vermək üçün, real nəticələrini gözləyir”, - deyə politoloq qeyd edib.

O bildirib ki, Köçəryandan fərdi qisas almaqla, onu siyasətə geri qaytararaq Ermənistan-Rusiya münasibətlərində rol oynayanlardan birinə çevirən Ermənistanın baş naziri, Moskvanın hərəkətləri və güzəştlərinə görə Köçəryanla güzəştə getməklə Ermənistan-Rusiya danışıqlarında mövqeyini daha da zəiflətdiyini hələ də başa düşməyib.

“Bunun Kreml tərəfindən təqdir ediləcəyini düşünür. Məsələn, vaxtı ilə Moskvaya yapışmaq üçün Paşinyan erməni sülhməramlılarını Suriyaya göndərdi, Ermənistan-Amerika münasibətləri gərginləşdi və bunun nəticələrindən biri sentyabr ayının sonunda ABŞ-a uğursuz səfəri oldu, burada Dövlət Departamenti və ya Ağ Ev tərəfindən heç bir səviyyədə qəbul edilmədi.

Moskva Paşinyanın dövlət təfəkkürünün olmamasından faydalanır və necə deyərlər, “Yeyərkən iştahı açılır” devizi ilə İrəvandan daha çox şey tələb edəcək. İndi baxaq görək, Paşinyan, Putin və Bela Köçəryan arasındakı çay süfrəsinin nəticələrini “ləğv etmək” üçün rusiyapərəst hansı addımı atacaq?”, - deyə Hambaryan qeyd edib.

Alpər Mövludoğlu
Ordu.az