Ordu.az xəbər verir ki, bunu erməni yazıçı, jurnalist Vahan İşxanyan öz “Facebook” səhifəsində yazıb.

O, ABŞ-da dərc olunan “polity index” qrafikində Ermənistanın vəziyyətini şərh edib.

“Bu, Ermənistanın insan hüquqları vəziyyətinin əyri xəttidir. ABŞ-ın Meriland Universitetinin alimlər qrupu tərəfindən hazırlanmış “polity index” qrafikində 2013-cü ilə qədər 24 illik müstəqillik dövründə Ermənistandakı demokratiya və insan hüquqlarının vəziyyəti göstərilir. Araşdırmaya dünyanın bütün ölkələri daxildir. Ermənistan müstqəillik qazandıqdan qısa müddət sonra, Ter-Petrosyanın prezidentliyi illərində kəskin şəkildə 6 pillə eniş edib. Ölkəmiz 1998-1999-cu illərdən başlayaraq Ter-Petrosyanın devirilməsindən və Robert Köçəryanın hakimiyyətə gəlməsindən sonra 9 xalla irəliləyib. İqtisadi vəziyyət qrafiki qurulmuş olsa belə, əyri xətt üstündə dalğalanma ola bilər.

Düşünürdük ki, 1998-ci il hadisəsi ilə bu qaranlıq atmosfer başa çatıb, lakin yox, insanların qurban getməsi və qurbanların qanını başqa birinə yazmaqla 2008-ci ildə belə bir hadisəni yenidən yaşadıq. Ermənistanın hüquq müdafiəçilərinin böyük hissəsi 2008-ci ildən başlayaraq, artıq 11 ildir bu əyri xətti endirənlərlədir, onları dəstəkləyirlər və mətbuat onların müsahibələri ilə doldurulub. Bu hüquq müdafiəçiləri Ter-Petrosyanın hakimiyyət illərində yox idi”, - deyə İşxanyan qeyd edib.

Alpər Mövludoğlu
Ordu.az