102-ci hərbi bazanın artilleriyaçıları və pilotları birgə təlimlər keçirirlər

2018/09/565_1529583992_1536232238.jpg
Oxunub: 2001     19:10     06 Sentyabr 2018    
Ermənistanda dislokasiya olunan Rusiya Federasiyasının 102-ci hərbi bazasının artilleriyaçıları və pilotları birgə təlim çərçivəsində şərti rəqibin canlı qüvvəsini və əhəmiyyətli obyektlərinin məhv edilməsini məşq ediblər.

Ordu.az erməni KİV-lərinə istinadən xəbər verir ki, təlim məşqlərinə zenit raket kompleksləri, çoxtəyinatlı Mi-8MT və Mi-24P helikopterləri, rabitə, kəşfiyyat və idarəetmə vasitələri cəlb edilib.

"Alagöz" təlim mərkəzində aviasiya tuşlayıcıları və kəşfiyyatçılar, pilotsuz uçuş aparatlarını, rabitə, kəşfiyyat və idaretmə vasitələrini tətbiq etməklə artilleriyaçılara, HHM bölmələrinə və pilotlara dəstək veriblər.

Qeyd edək ki, təlimlər avqustun 20-dən başlayıb və sentyabrın 15-dək davam edəcək. Təlimlər hərbi bazanın komandirinin rəhbərliyi ilə keçirilir.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   102-baza   Təlim  


Bizi "telegram"da izləyin