Ordu.az erməni KİV-lərinə istinadən xəbər verir ki, bölük taktiki təlimləri çərçivəsində Suriyadakı münaqişə də nəzərə alınmaqla, müasir silahlı münaqişələrin təcrübəsi əsasında şərti rəqibin hədəflərinin məhv edilməsi üçün kəşfiyyat zərbə konturları taktikası tətbiq edilib.

Helikopter heyətləri qrup şəklində olan hədəflərin kəşfiyyatını, yerüstü və hava hədəflərin aşkarlanması və tanınması, şərti rəqibin hədəflərinin nişan alınması və məhv edilməsi tapşırıqlarını icra edirlər.

Təlim zamanı pilotlar Mi-24P və Мi-8МТV helikopterlərinin silahlarından yararalanmaqla şərti rəqibin mövqelərini məhv edirlər.

Qeyd edək ki, Cənub Hərbi Dairəsinin hərbi bazasında bölüyün taktiki təlimi 20 avqust-15 sentyabr tarixləri arasında keçirilir. Hər gün təlimlərdə 500-dən artıq hərbi qulluqçu və 100-dək hərbi texnika cəlb edilir.

Alpər Mövludoğlu
Ordu.az