Ordu.az “Anadolu” agentliyinə istinadən xəbər verir ki, peyklər ölkənin Sıçuan vilayətindəki Şiçanq Peyk Göndərmə Mərkəzindən “Long March 3B” daşıyıcı raketi ilə orbitə göndərilib.

“Beidou-3” naviqasiya peyk seriyasının 35 və 36-cı peykləri olduqları bildirilən ekiz peyklər göndərilmədən təxminən 3 saat sonra orbitə girdiyi bildirilib.

Eyni zamanda bu göndərmə “Long March” raket seriyasının da artıq 283-cü missiyasıdır. Göndərilən peyklər orbitdə görüləcək bəzi sınaqlardan sonra istifadəyə veriləcək.

Qeyd edək ki, “Beidou Naviqasiya Peyk Sistemi” Çində 2000-ci ildə, Asiya-Sakit okean bölgəsində isə 2012-ci ildən etibarən xidmət verməyə başlayıb. Onun ABŞ-ın GPS, Avropa İttifaqının “Galileo”, Rusiyanın “Glonass” sisteminə rəqib olaraq dördüncü qlobal naviqasiya sistemi olmasına çalışılır.

Ağalar Ağalarlı
Ordu.az