Ordu.az xarici KİV-lərə istinadən xəbər verir ki, hadisə Pərvan vilayətinin Bəqram bölgəsində baş verib.

Bölgə rəhbəri Saifulla Beydərin sözlərinə görə, təqribən səhər 05:00 radələrində baş verən hadisə nəticəsində bir əsgər yaralanıb.

O bildirib ki, xarici hərbi qulluqçular hadisə zamanı bölgədə patrul reydi həyata keçirirdi. Bu zaman yol kənarında quraşdırılan bombanın partladılması nəticəsində NATO-ya məxsus bir tank sıradan çıxıb, bir əsgər isə yaralanıb.

Hücuma görə məsuliyyəti öz üzərinə götürən “Taliban” qiyamçıları isə partlayışda beş amerikalı əsgərin həlak olduğunu iddia ediblər.

Ağalar Ağalarlı
Ordu.az