Ordu.az xarici KİV-lərə istinadən xəbər verir ki, bu barədə rəsmi açıqlamanı Britaniyanın Almaniyadakı səfirinin müdafiə məsələləri üzrə attaşesi Rob Rayder bildirib.

O qeyd edib ki, rəsmi London Almaniyadakı Britaniya hərbçi qüvvələrinin azı 2023-cü ilə kimi bu ölkədə saxlanılmasını planlaşdırır.

Rayderin sözlərinə görə, NATO əməkdaşlığı çərçivəsində Almaniyada saxlanılan Böyük Britaniya ordusunun daha sonrakı dövr üçün 6 il ərzində 2 dəfə azaldılması planlaşdırılır.

Qeyd edək ki, Almaniyanın Paderborn şəhəri yaxınlığındakı 116 kvadrat kilometr əraziyə sahib hərbi bazada 1500-ə qədər britaniyalı hərbçi fəaliyyət göstərir.

Dəyanət Ağalarlı
Ordu.az