Ordu.az “National Interest”ə istinadən xəbər verir ki, Rusiya donanması alternativ gəmi tapmayacağı halda “Kuznetsov”un istifadəyə qayıdacağı tarix kimi müəyyən edilmiş 2021-2022-ci illərə qədər təlimsiz qala bilər.

Buna görə də, Rusiya həmin müddət ərzində donanma aviatorlarına dənizdə təlim keçmək üçün alternativləri nəzərdən keçirir. Ekspertlər isə Rusiyanın bu məsələ ilə bağlı Pekinlə əməkdaşlığa getməli olduğunu düşünürlər.

Belə ki, onlara görə, bu əməkdaşlıq çərçivəsində Rusiya pilotları Xalq Azadlıq Ordusu donanmasının “Liaoning” aviadaşıyıcısı üzərində təlim keçə bilərlər.

Bu təklifi irəli sürənlər Fransa donanmasının “Rafale” qırıcılarının ABŞ-ın “USS George H.U. Bush” aviadaşıyıcısının göyərtəsində təlim keçdiyini xatırladırlar. O zaman Fransanın yeganə aviadaşıyıcısı olan “Charles De Gaulle” təmirdə idi.

Bu əməkdaşlıq çərçivəsində Rusiya hərbçilərinin yeni MiQ-29KR təyyarələrinin imkanlarını çinli həmkarlarına nümayiş etdirə biləcəyi də qeyd olunur.

Ağalar Ağalarlı
Ordu.az