Ordu.az erməni KİV-lərinə isbtinadən xəbər verir ki, bu məlumatlar rəsmi mənbələrdə və KİV-lərdə yayılan məlumatlara əsasən hazırlanıbr.

2018-ci ilin 1-ci rübündə Ermənistan ordusunda qeydə alınan 11 ölüm hadisəsindən, 9 hadisə Qarabağdakı qanunsuz hərbi birləşmələrdə, 2 hadisə isə Ermənistandakı hərbi hissələrdə baş verib.

Bunlardan 3 hal atəşkəs rejiminin pozulması, 4 hal bədbəxt hadisə nəticəsində, 2 hal səhhəti ilə əlaqədar, 1 hal öldürmə, 1 hal özünəqəsd və ya özünəqəsd həddinə çatdırma olaraq qeydə alınıb.

Qeyd edək ki, Azərbaycan Müdafiə Nazirliyi (MN) dəfələrlə erməni silahlı bölmələrində qeydə alınan itkilərin açıqlanan rəsmi rəqəmlərdən daha çox olduğunu bəyan edib. Nazirlik bildirib ki, erməni hərbi rəhbərliyi silahlı qüvvələrdə baş verən çoxsaylı itkini əhalidən gizlədir.

Alpər Mövludoğlu
Ordu.az