Ordu.az “Sputnik”ə istinadən xəbər verir ki, bu barədə DOSAAF-ın müdir müavini Nikolay Staskov bildirib.

“Mən xüsusi hərbi kompaniyalarla bağlı qanun layihəsi hazırlanması işinə cəlb edilmişəm. Biz Müdafiə Nazirliyinin Baş Qərargahı ilə əlaqə saxladıq. Hesabatımızın sonunda Müdafiə Nazirliyi və Baş Qərargah belə nəticəyə gəldilər ki, DOSAAF xüsusi hərbi kompaniyaların hazırlanması üçün ideal platformadır”, - deyə Staskov qeyd edib.

O vurğulayıb ki, DOSAAF-ın qeyri-hökumət təşkilatı olması xüsusi hərbi kompaniyalara təlim keçə biləcək potensialı olan digər təşkilatlara nəzərən onun üstünlüyü olub.

O, Rusiya səlahiyyətlilərini xüsusi hərbi kompaniyalarla bağlı ən qısa zamanda qanun qəbul edilməsinə çağırıb.

“Bədbəxtlikdən istənilən müharibə itkilərlə nəticələnir. Buna görə də bizim öz vətəndaşlarımızın sosial təhlükəsizliyini zəmanət altına almağa ehtiyacımız var. Nəticədə hər kəs əmin olacaq ki, onun işi üçün ödəniş ediləcək və nəsə baş verəcəyi halda ailəsi yardım alacaq”, - deyə o əlavə edib.

Dövlət Dumasının Müdafiə Komitəsinin sədri Vladimir Şamanov parlamentin xüsusi hərbi kompaniyalarla bağlı qanun layihəsi hazırlanması məqsədilə işçi qrupun formalaşdırıldığını bildirib.

Ağalar Ağalarlı
Ordu.az