Ordu.az xarici KİV-lərə istinadən xəbər verir ki, bu barədə NATO-nun kəşfiyyat bölüyünün hesabatında qeyd olunub.

Məlumatda bildirilir ki, İŞİD Suriya və İraqda məğlub edildikdən sonra strategiyasını və hücum üslubunu dəyişdirib.

“Təzyiqlə üzləşən kimi, terrorçu qruplar tez-tez öz əməliyyat üslublarını yenidən tənzimləyirlər. 2016-17-ci illər ərzində İŞİD rəhbərləri öz təşkilatlarını bu yeni reallıqlara uyğunlaşdırdılar. Məsələn təşkilatın qollarına regional işlərlə bağlı daha böyük sərbəstlik verildi”, - deyə hesabatda bildirilib.

Hesabatda xüsusi olaraq vurğulanır ki, beynəlxalq cəmiyyətin İŞİD-in məğlub edilməsinə yönəlik cəhdləri intensivləşsə də, qrupun ideoloji gücü möhkəm olaraq qalmaqdadır. Onlar hələ də digərlərini öz yanlarına çəkməyə və yeni hücumları ilhamlandırmağa qadirdirlər.

Ağalar Ağalarlı
Ordu.az