Ordu.az “independent”ə istinadən xəbər verir ki, KXDR buna səbəb kimi onun nüvə proqramının hədəfinin Seul yox, Vaşinqton olduğunu göstərib.

11 saatlıq danışıqlardan sonra verilən birgə bəyanatda qeyd edilib ki, Şimali Koreya gələn ay Cənubi Koreyada baş tutacaq Qış Olimpiya oyunlarına geniş heyətlə qatılacaq. İki tərəf də mövcud problemləri həll etmək və mümkün bir münaqişənin qarşısını almaq üçün yenidən görüşəcəklərini bildiriblər. Lakin KXDR qəti şəkildə özünün silah proqramlarının müzakirəyə açıq olmadığını qeyd edib.

“Bizim bütün silah proqramlarımız, atom bombası, hidrogen bombası və ballistik raketlər hamısı Birləşmiş Ştatlara hədəflənib. Bu proqramın hədəfində nə bizim qardaşlarımız, nə Çin, nə də Rusiya var. Buna görə də bu Şimali və Cənubi Koreya arasında danışılacaq bir mövzu deyil”, - deyə danışıqlarda iştirak edən KXDR nümayəndə heyətinin rəhbəri Ri Son Quon bildirib.

Ağalar Ağalarlı
Ordu.az