Ordu.az “RİA Novosti” agentliyinə istinadən xəbər verir ki, bu barədə Rusiya xarici işlər naziri Sergey Lavrov bəyan edib.

“Dekabrın 11-də Vladimir Putin Hmeymim aviabazasında hərbçilər qarşısında çıxış edərkən Suriyadan Rusiya qoşunlarının çıxarılması barədə qərar verdi. Bunun səbəbi isə artıq İŞİD terror qruplaşmasının məhv edilməsi idi. Daha sonra ABŞ prezidenti Donald Tramp da bəyan etdi ki, Suriya və İraqda demək olar 100 faiz ərazi İŞİD-dən azad edilib”, - deyə Lavrov bildirib.

Rusiyalı nazir qeyd edib ki, Trampın bu bəyanatına baxmayaraq Amerika hərbçiləri hələ də hər iki ölkədə hərbi mövcudluqlarını saxlayırlar.

“İŞİD-in məhvindən sonra Suriyada hərbi mövcudluğu saxlamaq üçün bəhanələr tənqidlərə tab gətirmir. Amerika əsgərlərinin qeyri-qanuni hərbi mövcudluğu praktiki planda Suriyanın vahidliyini sual altına alır və siyasi tənzimlənmə yolunda ciddi maneələr yaradır”, - deyə Lavrov qeyd edib.

Ağalar Qəribov
Ordu.az