Ordu.az xarici KİV-lərə istinadən xəbər verir ki, bu barədə İran Xarici İşlər Nazirliyi mətbuat xidmətinin rəhbəri Bəhram Qasəmi Tehranda baş tutan mətbuat konfransında açıqlama verib.

“BMT-nin araşdırma komandalarından birinə əsaslanan hesabatlar saxtadır və heç bir həqiqət payı yoxdur. Biz Yəmən xalqını mənəvi olaraq dəstəkləyir və bu iddiaları rədd edirik. Yəməndə baş verən hadisələr bu ölkənin və onun xalqının daxili işidir”, - deyə Qasəmi bildirib

Yəməndəki vəziyyətin təhlükələrini yada salan Qasəmi bu hadisələrin Səudiyyə Ərəbistanın müdaxiləsindən qaynaqlandığını və İranın ən qısa zamanda bu hadisənin başa çatmasını arzuladığını vurğulayıb.

Xatırladaq ki, bir müddət öncə BMT-dən verilən hesabatda Husi qiyamçıları tərəfindən Səudiyyə Ərəbistanında partladılan 4 ballistik raketin onlara Riyadın regiondakı əsas rəqibi İran tərəfindən verildiyi bildirilib.

Ordu.az