Ordu.az xəbər verir ki, bu barədə o, G7 sammitində iştirak etmək üçün Fransaya yola düşməzdən əvvəl danışıb.

Merts ABŞ ilə İran arasında əldə olunmuş razılaşmaları alqışlayaraq onları “diplomatik sıçrayış” adlandırıb, həmçinin Donald Trampı və danışıqların tərəflərini təbrik edib.

Onun sözlərinə görə, razılaşma regionda vəziyyətin sabitləşməsinə və qlobal iqtisadiyyatın bərpasına töhfə verə bilər. Kansler vurğulayıb ki, Hörmüz boğazı heç bir məhdudiyyət olmadan azad və uzunmüddətli naviqasiya üçün açıq qalmalıdır, əldə edilmiş razılaşmalar isə Livanı da əhatə etməlidir.

Eyni zamanda Merts qeyd edib ki, Almaniyanın naviqasiya azadlığının təmin edilməsində iştirakı yalnız müvafiq şərtlər mövcud olduqda mümkün olacaq.

Sevinc Əliyeva
Ordu.az