Ordu.az xəbər verir ki, bu barədə İsrail hərbi dairələri məlumat yayıb.

Məlumata görə, söhbət Qəzzanın mərkəzi hissəsində öldürülən Saleh Ramazan Məhəmməd Xəlifədən və anklavın şimalında məhv edilən Məhəmməd Musa Diab əl-Biladan gedir.

SAXAL rəsmiləri bildiriblər ki, əməliyyat zamanı mülki əhali arasında mümkün itkiləri minimuma endirmək məqsədilə yüksək dəqiqlikli sursatlardan və hava müşahidə vasitələrindən istifadə olunub.

Daha əvvəl Qəzza şəhərinin şimal hissəsində pilotsuz uçuş aparatı zərbəsi nəticəsində iki nəfərin öldüyü, onlardan birinin uşaq olduğu barədə məlumat yayılmışdı.

Sevinc Əliyeva
Ordu.az