Ordu.az xəbər verir ki, bu barədə İran diplomatik nümayəndəliklərinin sosial media fəaliyyətinə dair məlumat yayılıb.

Məlumata görə, İranın Daşkənddəki səfirliyinin səhifəsində İsrailin Baş naziri Benyamin Netanyahu Trampın başının içində təsvir olunan görüntü paylaşılıb.

Paylaşımda Netanyahunun Trampın qərarvermə prosesini yönləndirdiyi göstərilib və bunun ABŞ siyasətinə İsrailin iddia olunan təsirinə işarə olduğu bildirilib.

Rusiyadakı İran səfirliyi isə Donald Trampın WWE restlinq şousundakı iştirakı ilə İran Prezidenti Məsud Pezeşkianın cərrahlıq fəaliyyəti arasında müqayisə aparılan video yayımlayıb.

Videoda iki liderin həyat yolundan diqqətçəkən məqamlar yanaşı təqdim olunaraq onların fərqli keçmişləri vurğulanıb. Paylaşımda bir tərəfdə tibbi fəaliyyət, digər tərəfdə isə restlinq şousu ön plana çıxarılıb.

Bundan əlavə, İranın Rusiyadakı səfirliyinin digər paylaşımında Banqladeşdə bir camışın ABŞ prezidentinə bənzədiyinin müəyyən edildiyi iddia olunub.

Sevinc Əliyeva
Ordu.az