Ordu.az xəbər verir ki, yeni təyyarələrin Phitsanulok Hava Bazasında yerləşən 46-cı Qanad Komandanlığı tərkibində xidmət edəcəyi açıqlanıb.

Məlumata görə, tədarüklərə 2029-cu ildə başlanacaq. “Airbus”un açıqlamasına əsasən, təyyarələr İspaniyanın Sevilya şəhərindəki “Airbus Defence and Space” müəssisələrində istehsal olunacaq. İlk təhvilin 2029-cu ilin birinci yarısında həyata keçirilməsi planlaşdırılır.

Tailand bundan əvvəl də Quru Qoşunlarının inventarında istifadə olunan üç ədəd C295 platformasını xidmətə qəbul etmişdi. Həmin təyyarələr 2016-cı ildən etibarən şəxsi heyət və yük daşınması tapşırıqlarında istifadə olunur.

C295 platforması taktiki daşımalar, logistika dəstəyi, paraşütçü desantı və tibbi təxliyə tapşırıqları üçün hazırlanan ikimühərrikli turboproplu nəqliyyat təyyarəsi kimi önə çıxır.

Daşıma konfiqurasiyasında 70 nəfər şəxsi heyət və ya 49 paraşütçü daşıya bilən təyyarə hazırlanmış olmayan zolaqlara eniş və qalxma qabiliyyəti ilə seçilir. Platforma həmçinin yük atımı, paraşütçü buraxılışı və MEDEVAC tapşırıqlarını da yerinə yetirə bilir.

“Airbus” Tailanddakı C295 parkının texniki xidmət və istismar fəaliyyətləri çərçivəsində Thai Aviation Industries ilə əməkdaşlıq etdiyini bildirib. Şirkət bu tərəfdaşlığın qabaqcıl təlim və texniki dəstək fəaliyyətləri vasitəsilə Tailand müdafiə sənayesinə töhfə verdiyini qeyd edib.

“Airbus”un məlumatına görə, Tailand Asiya-Sakit okean bölgəsində C295 platformasından istifadə edən yeddi ölkədən biridir. Şirkət C295-in öz seqmentində 85 faizlik bazar payı ilə qlobal lider olduğunu bildirib.

Bu günədək dörd qitədə 39 ölkə tərəfindən ümumilikdə 333 ədəd C295 sifarişi verildiyi, qlobal parkın isə cəmi 750 min uçuş saatını geridə qoyduğu açıqlanıb.

Sevinc Əliyeva
Ordu.az