Ordu.az xəbər verir ki, bunu “Güclü Ermənistan” Partiyasının şura üzvü Narek Karapetyan sosial şəbəkə hesabında yazıb.

O, paylaşımında ictimaiyyətin Nikol Paşinyanın fəaliyyətindən narazı olduğunu və dəyişiklik istədiyini bildirib.

Karapetyanın sözlərinə görə, baş nazir postu uğrunda Nikol Paşinyanla Samvel Karapetyan arasında mümkün rəqabətdə üstünlük Samvel Karapetyanın tərəfindədir.

O qeyd edib ki, Paşinyanın rəhbərlik etdiyi siyasi qüvvə qarşıdan gələn parlament seçkilərində də səs çoxluğu qazana bilməyəcək.

Karapetyan iyunun 7-də heç kimin evdə qalmamalı olduğunu vurğulayaraq, Ermənistanda böyük dəyişikliklərin baş verəcəyini qeyd edib.

Alpər Mövludoğlu
Ordu.az