Ordu.az xəbər verir ki, bunu ABŞ-nin Ermənistandakı müvəqqəti işlər vəkili Devid Allen bildirib.

O, “Armenpress”in könüllülərin yerləşdirilməsinin TRIPP (Zəngəzur dəhlizi-red.) layihəsi çərçivəsində aparılacaq işlərlə əlaqəli olub-olmaması barədə sualını cavablandırıb.

Allen qeyd edib ki, bu qərar daha çox ABŞ tərəfinin sülh prosesinə olan etimadını göstərir.

“Keçən ilin avqustun 8-də Vaşinqtonda əldə olunan razılaşmalardan və çərçivə sazişinin formalaşdırılmasından sonra Zəngəzur vilayətində könüllülərimizi yerləşdirmək üçün əlverişli şərait yarandı”, - deyə amerikalı diplomat bildirib.

O qeyd edib ki, ötən həftə TRIPP layihəsi ilə bağlı razılaşmalar üzrə danışıqlar aparılıb.

“Hazırda bununla bağlı yeni açıqlama yoxdur, lakin həmin istiqamətdə iş və irəliləyiş davam edir”, - deyə Allen vurğulayıb.

Qeyd edək ki, ABŞ Sülh Korpusunun könüllülərinin 6 illik fasilədən sonra yenidən Zəngəzur vilayətinə göndərilməsi barədə qərar mayın 31-də İrəvanda keçirilən andiçmə mərasimində elan olunub.

Alpər Mövludoğlu
Ordu.az