Ordu.az xəbər verir ki, İzmirin Seferihisar rayonundakı Doğanbəy Döyüş Atışlı Təlim Bölgəsində keçirilən və Prezident Rəcəb Tayyib Ərdoğanın da izləməsi gözlənilən təlimin son günündəki fəaliyyətləri müdafiə naziri Yaşar Güler ilə Baş Qərargah rəisi general Səlçuk Bayraktaroğlu, onların yanında olan dost və müttəfiq ölkələrin müdafiə nazirləri və baş qərargah rəisləri ilə TSQ komanda heyəti izləyir.
EFES-2026-da 50 ölkədən geniş iştirak
Birgə və müştərək əməliyyat çərçivəsində iştirakçı ölkə ünsürləri ilə birlikdə yaradılan müştərək qərargah və birliklərin hərbi imkan və bacarıqlarının veriləcək tapşırıqların hamısını əhatə edəcək şəkildə inkişaf etdirilməsi və döyüşə hazırlıq səviyyəsinin qorunub saxlanması məqsədilə keçirilən EFES-2026 Təliminə 50 ölkədən 10 mindən çox şəxsi heyət qatılır.
Təlim TB-3 zərbə PUA-sının havaya qalxması ilə başladı
TB-3 zərbə tipli Pilotsuz Uçuş Aparatının (PUA) TCG “Anadolu”dan havaya qalxması ilə başlayan təlimin son günü ardıcıl olaraq dəniz top atəş dəstəyinin quru bombardmanı, topçu və minaatan atışları, eləcə də gecə başlayan hava hücum əməliyyatı ilə davam etdi.
Xüsusi müşahidəçi gününü çox sayda ölkənin yüksək rütbəli hərbi nümayəndələri də izləyib.
Təlimə çox sayda ölkə qatılır
Təlim Müdafiə Nazirliyi, Baş Qərargah, Quru Qoşunları Komandanlığı, Dəniz Qoşunları Komandanlığı, Hərbi Hava Qüvvələri Komandanlığı, Baş Qərargah Xüsusi Təyinatlı Qüvvələr Komandanlığı, Jandarma Baş Komandanlığı, Sahil Mühafizə Komandanlığı, nazirliklər, dövlət qurum və təşkilatları, qeyri-hökumət təşkilatları ilə Almaniya, ABŞ, Albaniya, Azərbaycan, Bolqarıstan, Bəhreyn, Banqladeş, Birləşmiş Ərəb Əmirlikləri, Birləşmiş Krallıq, Bosniya və Herseqovina, Braziliya, Çexiya, Fransa, Qvineya, Gürcüstan, Xorvatiya, Niderland, İsveç, İtaliya, Yaponiya, Kanada, Qazaxıstan, Qətər, Qırğızıstan, Şimali Makedoniya, Latviya, Litva, Liviya, Macarıstan, Malayziya, Misir, Monqolustan, Niger, Özbəkistan, Pakistan, Polşa, Portuqaliya, Rumıniya, Ruanda, Seneqal, Sloveniya, Somali, Suriya, Tanzaniya, Tunis, Uqanda, Vyetnam, Zambiya və Zimbabvedən olmaqla 50 ölkədən hərbi şəxsi heyət, birlik və ünsürlərin iştirakı ilə icra edilir.
Bir çox yerli sistem ilk dəfə istifadə olundu
Təlimdə GÖKBEY helikopteri, M-60 T1 tankı, “Panter” və “Boran” haubitsaları, TRLG-230 və “Sungur” raketləri, “Tayfun”, HİSAR-A və HİSAR-O hava hücumundan müdafiə raket sistemləri, KORKUT hava hücumundan müdafiə silah sistemləri, 35 millimetrlik modern yedəkli top, Kalkan Hava Hücumundan Müdafiə Radarı, “İhtar” PUA-ya Qarşı Sistem, Zirehli Taktiki Nəqliyyat Vasitəsi Uzaqdan İdarə Edilən Silah Sistemi (ZTA-UC), KARAOK tank əleyhinə silahı, UMTAS tank əleyhinə raketi, xüsusi təyinatlı taktik təkərli zirehli sensor kəşfiyyat, radar, komanda və KBRN vasitələri, SARP qülləli təkmilləşdirilmiş zirehli şəxsi heyət daşıyıcısı, KARAYEL karinalı qayıq, mexaniki mina təmizləmə avadanlığı (MEMATT), Avtomobilə Quraşdırılmış Mina/Əldəqayırma Partlayıcı Qurğu Təyinetmə Sistemi (AMMTS), ALKAR 120 millimetrlik minaatan silah sistemi, GEZGİN peyk terminalı, atəş dəstək və yönləndirmə (ADY) sistemləri, TARAS-II Radiozolaq Sistemi, Elektron Sxemli EYP Təyinetmə və Zərərsizləşdirmə Sistemi, zirehli yanacaq tankeri, KBRN təmizləmə PUA-sı, ASLAN insansız quru platforması, paramotor, motosikletli komando qrupu, Dragoneye-2, DORUK-2 elektro-optik sensor sistemləri, şəhər axtarış-xilasetmə vasitəsi, partlayıcı maddə kəşfiyyat və məhv etmə (PMKİ) vasitəsi, mobil diş bölməsi, səyyar səhra bölmələri, konteyner it damı, TEBER və MAM-T zərbə PUA-sı döyüş sursatı ilə, inventara alınması planlaşdırılan Portativ Radioelektron Hücum (MİLKAR-A) Sistemi, ALKA Lazer Silah Sistemi, MAGAS-E, TOLGA Yaxın Hava Hücumundan Müdafiə Sistemi, GÖKBERK Lazer Silah Sistemi və kamikaze sürü PUA-sı kimi müxtəlif silah və sistemlər ilk dəfə istifadə olundu.
Gecə fəaliyyəti uğurla başa çatıb
EFES-2026 Təliminin xüsusi müşahidəçi günü çərçivəsində gecə fəaliyyəti dünən uğurla həyata keçirilmişdi.
Sevinc Əliyeva
Ordu.az
