Ordu.az xəbər verir ki, o, bu barədə “X” sosial şəbəkəsində paylaşım edib.

Dias-Kanel qeyd edib ki, bu addım “heç bir hüquqi əsası olmayan siyasi aktdır” və onun fikrincə, “uydurma işin” möhkəmləndirilməsinə, eləcə də Kubaya qarşı təzyiqlərin əsaslandırılmasına yönəlib.

Kuba prezidenti eyni zamanda ABŞ-ni 1996-cı il hadisələri ilə bağlı faktları təhrif etməkdə ittiham edib. Həmin vaxt Kuba hərbçiləri ABŞ-də kubalı mühacirlər tərəfindən yaradılmış humanitar təşkilata məxsus iki təyyarəni vurmuşdu.

Dias-Kanel vurğulayıb ki, Kubanın o dövrdəki hərəkətləri beynəlxalq hüquq normalarına uyğun olub və qanuni özünümüdafiə xarakteri daşıyıb.

Xatırladaq ki, daha əvvəl ABŞ Ədliyyə Nazirliyi Raul Kastro və daha beş nəfərə qarşı 1996-cı ildə “Hermanos en Rescate” təşkilatına məxsus iki təyyarənin məhv edilməsi ilə bağlı rəsmi ittiham irəli sürmüşdü.

Sevinc Əliyeva
Ordu.az