Ordu.az xəbər verir ki, bu barədə “Euronews” məlumat yayıb.

Qeyd olunub ki, əvvəllər belə addımlar sabiq Baş nazir Viktor Orbanın hökuməti tərəfindən bloklanırdı.

Avropa İttifaqında Rus Pravoslav Kilsəsinin rəhbərinin sanksiya siyahısına daxil edilməsi məsələsi 2022-ci ildən Ukraynadakı müharibəyə dəstək və təbliğat fəaliyyəti ilə bağlı ittihamlar fonunda müzakirə olunur.

Məlumata görə, Avropa İttifaqı fərdi məhdudiyyətlərdən ibarət “mini-paket” hazırlayır.

Sanksiya siyahısına Patriarx Kirill ilə yanaşı, Rusiyanın idman naziri Mixail Deqtyaryov, iş adamı Vyaçeslav Kantor və milyarder Alişer Usmanovun bacısı Qulbaxor İsmayılovanın da daxil edilə biləcəyi bildirilir.

Bundan əlavə, Rus Pravoslav Kilsəsinin ayrı-ayrı nümayəndələrinin də məhdudiyyətlərə məruz qala biləcəyi qeyd olunub. Sanksiyalar paketinin iyunun sonu və ya iyulun əvvəlində formalaşdırılmasının planlaşdırıldığı vurğulanıb.

Sevinc Əliyeva
Ordu.az