Ordu.az xəbər verir ki, bu barədə Ermənistanın “Joğovurd” nəşri yazıb.

Qəzetin məlumatına görə, Ermnistan Anti-Korrupsiya Komitəsində araşdırılan və seçki rüşvəti alma, eləcə də xeyriyyəçilik qadağasının pozulması ilə bağlı iddia olunan faktları əhatə edən cinayət işi çərçivəsində bir qrup şəxs saxlanılıb.

Məlumata görə, saxlanılan şəxslər “Güclü Ermənistan” partiyasının tərəfdarlarıdır.

Həbs olunanlar arasında iki qadının da olduğu bildirilib.

Qəzetin hüquq-mühafizə orqanlarındakı mənbələrinin sözlərinə görə, eyni proses çərçivəsində erməni polis polkovniki Nairi Sukiasyan da hüquq-mühafizə orqanlarının diqqət mərkəzinə düşüb.

Bildirilib ki, hüquq-mühafizə əməkdaşları onun mənzilində də axtarış aparıblar.

Alpər Mövludoğlu
Ordu.az