Ordu.az xəbər verir ki, bu barədə CNN telekanalı məlumat yayıb.

“Məlumata görə, Senat prezident Donald Trampın hərbi səlahiyyətlərini məhdudlaşdırmağı nəzərdə tutan qanun layihəsini təsdiqləyib. Layihəyə əsasən, İrana qarşı gələcək istənilən hərbi əməliyyat Konqresin məcburi təsdiqinə təqdim olunmalıdır”, - deyə məlumatda bildirilib.

Telekanalın məlumatına görə, təşəbbüsü 50 senator dəstəkləyib, 47 senator isə əleyhinə səs verib.

Qeyd olunub ki, qanun layihəsinin qəbulunun lehinə demokratların əksəriyyəti və dörd respublikaçı səs verib.

Əleyhinə isə Respublikaçılar Partiyasının əksər nümayəndələri və bir demokrat senator çıxış edib.

Sevinc Əliyeva
Ordu.az