Ordu.az xəbər verir ki, bunu Qlobal Cənub QHT Platformasının (Global South NGO Platform – GSNP) Baş katibi Faud Kərimli qurumun I Baş Assambleyasındakı çıxışında deyib.

O bildirib ki, məhdud resurslara baxmayaraq, Qlobal Cənub Asiya Platforması artıq əsas beynəlxalq müstəvilərdə özünü tanıda bilib:

"BMT-nin Cənub Əməkdaşlığı Ofisi bizim işimizi tanıyıb və dəstəkləyib. Bundan sonra Baş qərərgahı gücləndirməklə yanaşı, Baş katibin müavinləri və tərəfdaş təşkilatlar vasitəsilə böyük konfranslar, siyasi dialoqlar, regional forumlar və bacarıqların artırılması üzrə təşəbbüslər irəli sürməyi planlaşdırırıq. Məqsədimiz təkcə qlobal müzakirələrdə iştirak etmək deyil, həm də öz platformalarımızı yaratmaq, gündəmlərimizi formalaşdırmaq və Qlobal Cənubun səsinin dünya miqyasında rezonans doğurmasını təmin etməkdir".

Ordu.az