Ordu.az xəbər verir ki, bu barədə hakim “Vətəndaş Müqaviləsi” partiyasından baş nazirliyə namizəd Nikol Paşinyan İrəvanın Erebuni rayonunda keçirilən seçkiqabağı kampaniya zamanı jurnalistlərə bildirib.

O xatırladıb ki, hələ aprelin 1-də Rusiya Prezidenti Vladimir Putinə seçki kampaniyası ilə əlaqədar mayın 9-da Moskvada keçiriləcək tədbirlərdə iştirakının qeyri-mümkünlüyü barədə məlumat verib.

“O vaxt hələ dəvətin olub-olmayacağını bilmirdim, lakin hörmət əlaməti olaraq öncədən xəbərdarlıq etdim. Həmçinin bildirdim ki, mayın 28-də keçiriləcək tədbirlərdə də iştirak edə bilməyəcəyəm. Ötən gün Qazaxıstan Prezidenti Kasım-Jomart Tokayevə zəng edərək onu da bu barədə məlumatlandırdım”, - deyə Paşinyan qeyd edib.

Məlumata görə, sammitdə Ermənistanı baş nazirin müavini Mher Qriqoryan təmsil edəcək.

Xatırladaq ki, Ali Avrasiya İqtisadi Şurasının növbəti iclası mayın 28-29-da Astanada keçiriləcək.

Alpər Mövludoğlu
Ordu.az