Ordu.az xəbər verir ki, bu məqsədlə “Northrop Grumman” yerli sənaye ilə əməkdaşlığa da başlayacaq.
Proqramın əsas elementlərindən biri Avstraliya təchizatçılarının istehsal zəncirinə inteqrasiyası olacaq ki, bu da ölkəyə müasir texnologiyalara çıxış imkanı verəcək.
Proqram bərk yanacaqlı raket mühərriklərinin istehsalının qurulması üçün ilkin mərhələdə 91,6 milyon dollar investisiya yatırılmasını nəzərdə tutur.
Planlara əsasən, istehsalın sürətləndirilməsi məqsədilə Yeni Cənubi Uelsdə yerləşən Mulvala dövlət sursat zavodunun yaxın zamanda modernləşdirilmiş obyektlərindən istifadə ediləcək və ilk mərhələdə 2030-cu ilədək GMLRS sistemi üçün mühərriklər istehsal olunacaq.
Bundan sonra müxtəlif növ bərk yanacaqlı mühərriklərin seriyalı istehsalını təmin edəcək ixtisaslaşmış raket mühərriki istehsalı müəssisəsi yaradılacaq. Müəssisənin 2033-cü ilə qədər fəaliyyətə başlaması gözlənilir.
Avstraliyanın müdafiə sənayesi naziri Pat Konroy bildirib ki, bu təşəbbüs ölkənin yerli müdafiə sənayesi bazasını və özünütəminetmə imkanlarını gücləndirəcək.
“Bu investisiyalar Avstraliya Müdafiə Qüvvələrinin ölkəni və yaxın regionu müdafiə etmək üçün lazım olan imkanlara etibarlı və davamlı çıxışını təmin edəcək”, - deyə o bildirib.
Avstraliya həmçinin yerli sənaye potensialını sürətlə inkişaf etdirmək məqsədilə “DefendTex”, “Black Sky Industries” və “Anduril Australia” ilə yeni istehsal üsullarının araşdırılması üçün əməkdaşlıq edəcəyini açıqlayıb.
Nazirlik bildirib: “Bu təşəbbüs Avstraliyanın müdafiə təchizat zəncirlərini gücləndirəcək və Avstraliyanın kiçik və orta müəssisələri üçün qlobal bazara çıxış baxımından yeni imkanlar yaradacaq”.
Avstraliya ordunun istifadə etdiyi idarəolunan sursatların yerli istehsalını inkişaf etdirmək üçün iddialı proqram başladıb.
“Guided Weapons and Explosive Ordnance” (GWEO) adlanan proqram yaxın on il ərzində GMLRS, “Joint Strike Missile” və AIM-260A “hava-hava” raketi də daxil olmaqla sursat istehsalı infrastrukturlarının qurulması üçün 26-36 milyard Avstraliya dolları həcmində vəsait ayrılmasını nəzərdə tutur.
Sevinc Əliyeva
Ordu.az
