Ordu.az xəbər verir ki, sistemin sahəyə çıxarılması ilkin mərhələdə tək bir hərbi birlikdə başlanıb və əldə ediləcək rəy əsasında mərhələli şəkildə genişləndiriləcək.
Şirkət bildirib ki, real əməliyyatlardan əldə olunan məlumatlar sistemin hazırlanması və təkmilləşdirilməsində istifadə olunacaq.
“Terra Drone” tərəfindən yayılan açıqlamada qeyd edilib: “Real sahə şəraitində əldə olunan məlumata böyük əhəmiyyət veririk və məhsul hazırlığı prosesini sahədən qidalanan dövriyyə ilə gücləndirməkdə qətiyyətliyik”. Həmçinin bu təşəbbüsün sistemin praktiki və əməliyyat uyğunluğu qabiliyyətinin real şəraitdə təsdiqlənməsi baxımından kritik addım olduğu vurğulanıb.
Aşağı maya dəyərli həll ilə intensiv hücumlara qarşı
“Terra A1” önləyici raketlərlə müqayisədə daha aşağı maya dəyərli alternativ kimi seriyalı istehsala uyğun şəkildə hazırlanıb. Sistem 32 kilometr mənzilə və saatda 300 kilometr maksimal sürətə çata bilir. Bu sayədə adətən saatda təxminən 200 kilometr sürətlə hərəkət edən Şahed tipli pilotsuz uçuş aparatlarına qarşı effektiv həll təqdim edir. Həmçinin sistem buraxıldıqdan sonra 10 saniyə ərzində 200 km/s sürətə çata bilir.
Yüngül və daşına bilən quruluşa malik platforma şaquli eniş-qalxış (VTOL) qabiliyyəti sayəsində əlavə buraxılış avadanlığına ehtiyac olmadan müxtəlif nöqtələrdən yerləşdirilə bilir. Elektrikli hərəkətverici sistemi aşağı səs və istilik izi təmin edir, eyni zamanda təxminən 15 dəqiqəlik uçuş müddəti təqdim edir. Tək bir “Terra A1” platforması hava məkanına nəzarət, hədəf aşkarlama və məhvetmə proseslərinin hamısını yerinə yetirə bilir.
Yaponiyanın müdafiə sahəsində yeni addımı
Bu inkişaf “Terra Drone Corporation”ın Ukrayna müdafiə şirkətinə investisiya yatıran ilk Yaponiya şirkəti olması ilə də diqqət çəkir. Bu vəziyyət Yaponiyanın ənənəvi pasifist müdafiə siyasətində dəyişiklik siqnalı kimi qiymətləndirilir.
İnvestisiya çərçivəsində “Terra Drone” “Amazing Drones”un sahədəki əməliyyat təcrübəsini və texnoloji bazasını yeni nəsil müdafiə həllərinin hazırlanmasında istifadə etməyi hədəfləyir.
“Terra Drone”un baş direktoru Toru Tokuşiqe bildirib: “Real döyüş şəraitində əldə olunan məlumat ilə “Terra Drone”un seriyalı istehsal və keyfiyyətə nəzarət qabiliyyətlərinin birləşməsi yeni nəsil müdafiə infrastrukturunun qurulmasında son dərəcə mühüm addımdır”. Tokuşiqe həmçinin bu əməkdaşlıqla sahədə təsdiqlənmiş yüksək etibarlı həllər təqdim edərək beynəlxalq sabitliyə töhfə verməyi və çəkindirməni gücləndirməyi hədəflədiklərini bildirib.
Sevinc Əliyeva
Ordu.az
