Ordu.az xəbər verir ki, Asiya-Sakit okean regionunun nüfuzlu sərgilərindən olan “Defence Services Asia - DSA 2026” çərçivəsində həyata keçirilən saziş iki şirkətin lokallaşdırılmış əsas süni zəka üzərində fokuslanan güclü milli ekosistem yaratması üçün strateji çərçivə formalaşdırır.
Texnologiya və səriştə inteqrasiyası
Sözügedən təşəbbüs infrastruktur, texnologiya və bazar qarşılıqlı əlaqəsi üzrə kritik səriştələri inteqrasiya edərkən, MIMOS-un dərin texnologiya innovasiya bazasını HAVELSAN-ın proqram təminatı yönümlü sistemlər və əməliyyat arxitekturalarındakı təcrübəsi ilə birləşdirir.
Rəqəmsal millət vizyonuna töhfə
Malayziyanın “rəqəmsal millət” olma vizyonunu dəstəkləyən bu əməkdaşlıqla müdafiə, təhlükəsizlik, telekommunikasiya və ağıllı infrastruktur sahələrində əməliyyat ehtiyaclarına cavab verən miqyaslana bilən və dayanıqlı texnologiya ekosistemlərinin yaradılması hədəflənir.
HAVELSAN tərəfi
HAVELSAN baş direktoru Mehmet Akif Nacar mövzu ilə bağlı qiymətləndirməsində strateji tərəfdaşlığın Asiya-Sakit okean regionundakı əhəmiyyətinə diqqət çəkərək bunları bildirib:
“Malayziya HAVELSAN üçün Asiya-Sakit okean regionunda strateji əhəmiyyətə malik tərəfdaşdır. Bu saziş yalnız əməkdaşlıqdan ibarət deyil, real əməliyyat ehtiyaclarına cavab verə biləcək, miqyaslana bilən və birgə işləyə bilən rəqəmsal qabiliyyətlərin ortaq şəkildə qurulmasını əhatə edir. Proqram təminatı yönümlü sistemlərdəki təcrübəmizi Malayziyanın güclü innovasiya ekosistemi ilə birləşdirərək dayanıqlı, yerli şərtlərə uyğunlaşdırıla bilən və qlobal etibarlılığı olan həllər təqdim etməyi hədəfləyirik”.
MIVSB qiymətləndirməsi
MIVSB baş direktoru Mohamad Azriani Abd Aziz isə bunları deyib: “HAVELSAN ilə qurulan bu tərəfdaşlıq Malayziya innovasiyasını qloballaşdırmaq missiyamızda dönüş nöqtəsidir. HAVELSAN-ın sahədə sübut olunmuş texnologiyalarını MIMOS-un qabaqcıl dərin texnologiya səriştələri ilə birləşdirərək yalnız texnologiya idxal etmirik. Eyni zamanda Malayziyanın rəqəmsal iqtisadiyyatın ön sıralarında yer almasını təmin edəcək, lokallaşdırılmış əsas süni zəka ekosistemi mərkəzli dayanıqlı sənaye ekosistemini birlikdə qururuq”.
Əməkdaşlığın strateji əksi
DSA 2026 sərgisində rəsmiləşən bu əməkdaşlıq Malayziya ilə Türkiyə arasında güclənən strateji bağların əksi kimi qiymətləndirilir, layihənin bölgədə texnoloji rəqabət qabiliyyətinə mühüm töhfələr verməsi gözlənilir.
Sevinc Əliyeva
Ordu.az
