"Malayziya" sözünə uyğun 98 nəticə tapıldı!

Asiyanın ən böyük terror təşkilatının lideri həbs edilib

2019/07/2353f-1561966378.jpg
Oxunub: 588     13:32     01 İyul 2019    
İndoneziyanın hüquq-mühafizə orqanları tərəfindən Asiyanın ən böyük “Camaa İslamiyyə” terror təşkilatının lideri hesab edilən şəxs həbs olunub.

Ordu.az xarici KİV-lərə istinadən xəbər verir ki, bu barədə Cakarta polisi məlumat yayıb.

Məlumata görə, Para Vicayanto iyunun 29-da Bekasi şəhərindəki evində həbs edilib.

Bildirilir ki, onun evində aşkar edilən soyuq silahlar, ədəbiyyat və videogörüntülər müsadirə edilib.

Qeyd edək ki, İndoneziyanın hüquq-mühafizə orqanları Vicayantonun axtarışlarını 2003-cü ildən başlayaraq davam etdiriblər. Ona qarşı bir sıra iri terror aktlarında, o cümlədən İndoneziyanın Bali adasında 2002-ci ildə çoxlu sayda insan tələfatı ilə müşayiət olunan terror hücumunda iştirak ittihamı irəli sürülüb. Həmin vaxt terror qruplaşmasının üzvləri tanınmış Kuta ərazisində və ABŞ-ın Baş konsulluğunun binası yaxınlığında bir neçə partlayış törədiblər. Faciə nəticəsində 164-ü xarici ölkə vətəndaşı olmaqla 202 nəfər həlak olub, 200-dən çoxu isə yaralanıb.

Xüsusi xidmət orqanları Vicayantonun Malayziya, Filippin və Tailandda da fəaliyyət göstərən həmin terror təşkilatına 2008-ci ildə rəhbərlik etdiyi bildirib.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: İndoneziya   Asiya